14.12. ქართული ენა-ასო-ბგერა "ჯ" და "ტ" გვ.53-55 ტექსტის კითხვა-დამუშავება.სურათის ღწერა,სიუჟეტის მიხედვით ამბის შედგენა.
   ჯიხვი
ჯიხვი კლდეზე გარინდულა
და შეჰხარის მზიან დარს,
არ ესროლო მონადირევ,
ამ ჩვენს ლამაზ ბინადარს!

  კატა
კატის კნუტი პატარა
ცისფერთვალა,ქუნქულა,
რძის ქოთანში ჩამხტარა,
ჰოდა, სულ გაცქუმფულა,
პატარაა ძალიან,
შია და თან კრუტუნებს:
რძეს დავუსხამ ლამბაქზე,
წამში შეასრუტუნებს.

ანდაზები:
ტკბილი სიტყვით მთას ირემი მოიწველაო
ტოლმა ტოლს რითი აჯობა და ადრე ადგომითაო
ჯერ ძილო,მერე სიზმაროო
ჯერ მწარე ჭამე კვლავ ტკბილი, თუ ეძებ გემოვნებასა

 გამოცანები
არ იღლება არასდროს
უთავბოლო ტრიალით
ყველას გაგვისუფთავა
ტანსაცმელი მტვრიანი
  (ჯაგრისი)

გულზე კვერცხი დაგახალე,
შეგიწვი და გაგახარე

 (ტაფა)

ენის გასატეხი
ჯანსუღმა და ჯმუხმა ჯარჯიმ
ჯადოქარზე გაიმარჯვეს,
ჯახი-ჯუხი აღარ გააქვს
ჯოხის ხმლებს და აბჯარ-ხანჯლებს.


მატემატიკა-ამოცანების ამოხსნა,ამოცანის შემადგენელი ნაწილების გამოყოფა(პირობა,კითხვა,ამოხსნა,პასუხი)3-ის მიმატება,3-ის გამოკლება
დეისაძე-დავალება#6


 

10.12 ქართული ენა ასო-ბგერა "ძ" და"ღ" ტექსტის კითხვა დამუშავება.მოძრავი ანბანით სიტყვების,წინადადებების შედგენა.ასოს,სიტყვის,წინადადების წერა.დაუწერე მისალოცი ბარათი დაიკოს ან ძამიკოს.

ძუის მახე დაუგეს
ორ პატარა ბეღურას,
როგორ არა რცხვენიათ
პაპუნას და ბექუნას?!

ბეღურა
ამ პაწაწინა ბერურას
ვერ შეაშინებს ავდარი,
ზამთარშიაც კი ვერ დათმო
უსაყვარლესი მთა-ბარი.
ანდაზები:
ღარიბი კაცის პურის ჭამა მადლიაო
ღორი ლაფში გორვას არ მოიშლისო
ძალა ღმართსს ხნავსო
ძმა ძმისთვისაო შავი დღისთვისაო

გამოცანები

უწყინარი ცხოველი ვარ
ვეტანები ბალახსაო,
არა ვშრომობ,თუმც კი გაჭმევთ
მაწონს,რძეს და კარაქსაო

(ძროხა)

თვითონ წყლით გაჟრენთილი,
უწყლო ზღვაში გაცურდა,
პასუხს სწრაფად მოველი
დიდხანს ფიქრი არ უნდა

(ღრუბელი)
ენის გასატეხი
ღობის თავზე ვეღარ ვხედავ
ღუდღუდელა ღოღნაშოსა!
ოღროჩოღრო ღელის გაღმა
შეღრუტუნა ღორმა ღორსა.

მათემატიკა-ამოვხსნათ ამოცანები.ამოცანების წაკითხვა ,ჩაწერა,ამოხსნა.მივუმატოთ 3,გამოვაკლოთ3.ჩაწერა ,წაკითხვა.
დეისაძე-დავალება#6,დავალება#7

ძვირფასო მშობლებო, წაიკითხეთ და გაითვალისწინეთ!

როგორ დავეხმაროთ ბავშვს სწავლაში

06.12.2014

ზამთარში ბავშვებს უფრო და უფრო ეზარებათ დილით ადრე ადგომა, სწავლა, საშინაო დავალებები... არსებობს რამდენიმე მეთოდი, რითაც შეგიძლიათ სწავლისადმი ინტერესი გაუღვივოთ.

ატყობთ, რომ ხელწერა გააფუჭა, დღიურში შენიშვნებმა იმატა, ხშირად რჩება დავალება შეუსრულებელი... გეცნოთ ეს ნიშნები? საშიში არაფერია. წლის ბოლოს ბავშვები გადაღლილები არიან და ხშირად აუარესებენ ნიშნებს. განსაკუთრებით ეტყობათ გადაღლა დაწყებითი კლასის მოსწავლეებს. პირველ-მეორე კლასელები ამ დროს დანანებით იხსენებენ საბავშვო ბაღის "უდარდელ" პერიოდს (რა უშლის ბავშვს სწავლაში ხელს? - მეცნიერთა რჩევები მშობლებს).
გაკვეთილებზე ასე თუ ისე ახერხებენ წესრიგს დაემორჩილონ. სამაგიეროდ, სახლში დავალებების შესრულება თითქმის შეუძლებელი ხდება. თუ არ აიძულე, არაფერი გამოდის. შედეგად ყოველდღიური ჩხუბი, ცრემლები, თხოვნა და მუქარა ორივეს ნერვებს გაწყვიტავთ. 
დასაშვებია და საჭიროც არის, რომ პირველკლასელს მეცადინეობისას უფროსი ეჯდეს გვერდით. დამოუკიდებლობას და უყურადღებობას ერთმანეთში ნუ აურევთ. თუმცა პასუხისმგებლობას უნდა გრძნობდეს და საკუთარი დროის განაწილებაც უნდა ისწავლოს. ჩხუბით ვერაფერს მიაღწევთ. ბავშვი უნდა დააინტერესოთ. სტიმული უნდა ჰქონდეს, რომ დავალებები შეასრულოს. 
აი, რამდენიმე მაგალითი, როგორ უნდა გაუჩინოთ მეცადინეობის სტიმული. (ჯადოსნური ფრაზები, რომლებიც ბავშვს სწავლას მოანდომებს).

დააწესეთ ბონუსები
შემოიღეთ ჯილდოების სისტემა. გამოჭერით მუყაოსგან ბონუს-ბარათები. თქვენი მთავარი მიზანია, ბავშვი დამოუკიდებლობას მიეჩვიოს. ანუ ბონუს-ბარათს მიიღებს, თუ სამეცადინოდ შეხსენებისა და ჩხუბის გარეშე დაჯდება, მეორე ბონუსი იმისთვის, რომ მარტომ შეასრულა დავალებები. ნუ ეჩხუბებით შეცდომების გამო, უშეცდომოდ სწავლის პროცესი არ არსებობს. დააწესე ჯილდოები - მაგალითად, 15 ბონუსის შემდეგ კომპიუტერზე თამაშის ნება მიეცით. 10 ბონუსი - საჩუქარი, 5 - დედის კოცნა და მოფერება. 

აამოქმედეთ "სურვილების ზარდახშა"უთხარით, რომ კარგად შესრულებული საშინაო დავალებისა და მასწავლებლის შექების შემდეგ შეუძლია ზარდახშაში ფურცელზე დაწერილი სურვილი ჩააგდოს. წინასწარ შეუთანხმდით, რომ ამ სურვილის ასრულება შესაძლებელი უნდა იყოს. ყოველ შაბათ-კვირას ზარდახშიდან ერთ სურვილს ამოიღებთ და შეუსრულებთ. 
ამ საჩუქრებით, პოზიტიური განწყობითა და წახალისებებით აუცილებლად დაამარცხებთ სიზარმაცეს.

 

6.12. ქართული ენა ასო-ბგერა ყ და ქ
ტექსტის კითხვა-დამუშავება.ერთ,ორ,სამ და ოთხსიტყვიანი წინადადებების ამოკითხვა.სიტყვის ,წინადადების ანალიზი და სინთეზი.წერითი დავალება-ასოს.სიტყვების,წინადადების ჩაწერა.ამოიწერონ ყურძნის ჯიშები
ყაყაჩო

ეს რა დაატყდა თავსაო
ყაყაჩოს მინდვრის ქალსაო,
წიტელი ქუდი ლამაზი
წაურთმევია ქარსაო,
დგას თავშიშველი ყანის პირს,
ცრემლი სდის საცოდავსაო.

ქართვლის დედა

თბილისში დგას
მთაწმინდაზე
ასვეტილი ნათლის სვეტად...
საქართველოს მეხამრიდი
ჩვენი დიი-დი
ქართვლის დედა

ანდაზები;
ქარის მოტანილს ქარივე წაიღებსო
ქურდის შემნახველი ქურდზე უარესიაო
ყველი და პურიო კეთილი გულიო
ყველაჩიტს თავისი ბუდე უყვარსო

გამოცანები:
მას ყველაფერი  ესმის,
მაგრამ არაფერს ამბობს
მუდამ თან ახლავს პატრონს,
რა არის ჩემო კარგო?
(ყური)

ეს ცალფეხა მეგობარი
აბა,გამოიცან,
სიცხეა თუ ავდარია,
თავს მადგას და მიცავს.
(ქოლგა)

ენის გასატეხი:
ყანჩა-ყუდა აყლაყუდა
რიყე-რიყე წალაყუნდა,
აყიყინდნენ ბაყაყები:
გადაგვყლაპავს ბაყბაყდევი.


მათემატიკა-შესაკრები, ჯამი .შეკრების თვისების გამოყენება.ამოცანების ამოხსნა.
დეისაძე -მათემატიკა-დავ.#5

ძვირფასო მშობლებო!
პარასკევს ,5 დეკემბერს 3 საათზე  გაიმართება მშობელთა კრება
გთხოვთ დაესწროთ

რუსუდან მასწავლებელი

02.12.ქართული ენა-გვ.44-46.თემა:ხ და ფ
ტექსტის კითხვა დამუშავება. გაგრძელებებით წინადადებების ამოკითხვა.წინადადებების შედგენა და დაშლა.
ფარშავანგი
ფრთაფოფინა ფარშავანგი
ფანტავს ფერად ფერებსაო,
ფრინველების დედოფლობას
ფრიად შეიფერებსაო
   
       თხა
თხა მყავს კუდა და ნაცარა
მთელი ვენახი გაცალა,
ისე შესანსლა ყურძენი,
წვერი არ გააცანცალა.
ამბობს ბაბუა ილია:
-ამას ჩამოსძვრეს კბილია,
თავიდან მოვიცილებდი,
რძე რომ არ ჰქონდეს ტკბილია.
 ანდაზები:
ხე ნაყოფით იცნობაო
ხერხი სჯობია ღონესა ,თუ კაცი მოიგონებსა
ფრინველსა ფრთები ამშვენებს, ადამიანს გონებაო
ფიცი მწამს,ბოლო მაკვირვებსო

    გამოცანები
გარეგნობით ჩხირი
არც თუ ბევრად ძვირი,
უქარალდოდ მუნჯი,
ქაღალდზე კი ვყვირი
         (ფანქარი)

 
თავია თავსაფრიანი,
ატლასიან, ფოჩიანი
იმისგან აცრემლებული
ბევრი ვნახე მომჩივანი
     (ხახვი)
ენის გასატეხი;
ხევ-ხევ ხერხი მიცუხცუხებს
აცახცახებს ვერხვებს,მუხებს

საყდარშია თეთრი მტრედი,ფრთათეთრი და ფრთაფარფატი

მათემატიკა-რიცხვი 0,ნულის თვისებები.ნულის მიმატება და გამოკლება
დავალება-შეადგინონ ორმოქმედებიანი გამოსახულებები და ჩაწერონ
(დეისაძე)მათემატიკა-დავალება # 3,#4 ამოხსნან და ჩაწერონ

22.11. ქართული ენა-ასო-ბგერა "ც" და "წ" ტექსტის კითხვა-დამუშავება.მარცვლების,სიტყვების,წინადადებების შედგენა.მოძრავი ანბანით წინადადებების შედგენა.ორსიტყვიანი წინადადების სამსიტყვიანად გადაკეთება და პირუკუ.
წიგნი
წიგნია თქვენი სინათლე,
განზე წუთით არ გადასდოთ,
ყველა ლამპარი ჩაქრება,
ცოდნის ლამპარი არასდროს.

წერო
გრძელფეხება გადამფრენი
ფრინველია წერო,
ძლიერ უყვარს მშობლიერი
ტბა,ჭაობი,ჩერო.

ციყვი
მოაგროვა ციყუნიამ
წაბლი,თხილი,კაკალი,
არხეინად იქნება
ახლა მთელი ზამთარი.
გამოცანა
მე თუმცა ენა არა მაქვს
მაგრამ როდი ვარ მუნჯი,
ვერ გაიმდიდრებს გონებას,
ვინც არის ჩემი ურჩი  (წიგნი)

ანდაზები:
ცდა ბედის მონახევრეაო
წყალწაღებული ხავსს ეკიდებოდაო
წინა კაცი უკანა კაცის ხიდიაო
ცუდად ჯდომას,ცუდად შრომა ჯობიაო


წვიმის შემდეგ გადაეკრა
ცას ქამარი მრავალფერა  (ცისარტყელა)

მათემატიკა-გვ.76 რიცხვების გადიდება-შემცირება.ფიგურების კანონზომიერად დალაგება.სავარჯიშოების შესრულება რვეულში
მათემატიკა(დეისაძე)-გვ.9-10.2-3 სავარჯიშო შეასრულეთ რვეულში

15.11. ქართული ენა     ასო-ბგერა "გ" და "პ"
ტექსტის კითხვა-დამუშავება.ორ,სამ,ოთხმარცვლიანი სიტყვების: ორ,სამ,ოთხსიტყვიანი წინადადებების მოძებნა და ამოკითხვა. ორსიტყვიანი წინადადებების სამსიტყვიანად გადაკეთება და პირუკუ.
პეპელა
პატარა ნაზი პეპელა
ატმის ნაზ ყვავილს ეფერა:
-კაბა გაქვს უცხო ფერისო
მერე რარიგად გშვენისო,
მაგ შენი ტკბილი ნექტარით
იქნებ სასმისი შემივსო,
დაგლოცავ როგორც დედოფალს
ამ ლამაზ მინდორ-ველისო.

ყოჩაღი კაპიტანი

ბათუმისკენ მიმავალი
ზღვას მოარღვევს თბომავალი,
-შეიძლება,კაპიტანო,
გემზე ბარგი ავიტანო?
-ამობრძანდი,შეიძლება!
ახლა გეზი შეიცვლება
მიზნადა გვაქვს დასახული
ვნახოთ ყველა ნავსადგური.

ანდაზები:
გამრჯე კაცის სასჯელი უსაქმურობაა
გარეულმა ქათამმა, შინაური ქათამი გააგდოო
პურ-მარილის დასწავლა ძაღლმაც იცისო
პილპილი თუ არ გიჭამია, პირი რაზე გეწვისო

გამოცანა
გზა არ მოჩანს, მიდის სახლი
იკარგება კვალიც,
მოაბამენ დიდი საბლით,
ირემივით ბღავის  (გემი)

მწერი ნაზი, ფაქიზი,
უნდა მცირე კვება,
პირველ დღეს რომ იბადება,
მესამე დღეს კვდება  (პეპელა)

მათემატიკა- გვ.68-69-70.წინა და მომდევნო რიცხვები,რიცხვების 1,2,3,4,5,6,7,8,9-ერთით გადიდება და შემცირება. ტოლობების შედგენა- ჩაწერა.
დეისაძე-მათემატიკა-დავალება#2სავ.1-8,რამდენიმე სავარჯიშო ჩაწერეთ რვეულში.

10.11. ქართული ენა  გვ.35-37 თემა:"ბ" და "უ"ტექსტის კითხვა-დამუშავება.სიტყვების,წინადადებების ანალიზი და სინთეზი.
წიგნიდან სიტყვების,წინადადებების გადაწერა.
        უთო
მთელი დღეა აუთოებს,
დაუღლელი უთო,
მუდამ გარჯა-შრომაშია
საქმეს არვის უთმობს.
      ბუხართან
ასე ტკბილად რომ ღუღუნებს
ჩვენი ძველი ბუხარია,
ბუხრის პირას პაპა ზის და
ჩვენც რომ იქ ვართ,უხარია

ანდაზები:ბევრის მდომმა ცოტაც დაკარგაო
უსწავლელი კაცი უტარო ცულიაო;
უსწავლელი ქვაზე დაჯდა,ქვა ქვას დაემატაო:
ბევრი ბუზი ბზუისო,ფუტკართან ყველა ტყუისო

გამოცანა
ერთი უბრალო ჩიტია,
მაგრამ ბუნების განგებით,
ქვეყნად ყველაზე ტკბილია
მისი წკრიალა ჰანგები   ( ბულბული)

საქმეს არა
უქნა რა
მიტომ ჰქვია
.......(უქნარა)

ენის გასატეხი
აბლაბუდა,მაბლაბუდა, შიგ ობობა გაბლანდულა

ბილიკ-ბილიკ ბურტყუნებს
ბრიყვი ბელი ბელუკა:
-ბანით ვჯობნი ბულბულებს,
ბეჭებით კი -ბერმუხას.


უმაძღარა ღრუტუს უჩა
უნაბს უყრის ბღუჯა-ბღუჯა

მათემატიკა 1,2,3,4,5,6,7,8,9.რიცხვთა შედგენილობა. ტოლობების და უტოლობების შედგენა, ჩაწერა.
მათემატიკა  (დეისაძე) შეასრულეთ #9-15 სავარჯიშო (ზეპირად,წერით)

ჩემო პატარებო, კარგი იქნება თუ ამ ლექსებიდან შეარჩევთ ერთ-ერთს და გამომეტყველებით ისწავლით

მთებზე გადმოდგნენ ზამთრის ჯარები-

გადმოათეთრეს მთათა წვერები...

დაფრთხნენ ჭალები,

დაფრთხნენ ყანები,

დაფრთხნენ ველები,

-თავს უშველეთო!-იჭექა ვერხვმა

და...

რაც კი იყო იმჟამად ხილი

უნაბი,კომში,ატამი,ლეღვი,-

ყველამ ბეღლისკენ იბრუნა პირი.

       შემოდგომის სურათი

რა გულსაკლავი სიმღერა აქვთ

გადამფრენ ჩიტებს დარდიანებს,

ტყეში შემოდგომა შემოსულა,

გარემოს სევდით ახმიანებს.

ტირიფიც კლდეზე დაკიდული

ცრემლიან თავშალს აფრიალებს.

      შემოდგომა

შუქი გაიშალა,

წყალი დაიფერა,

სიო დაიბერა,

ჩალა გაისალა

სიზმარს აბარია

ველი შინაური...

ახლა ყველაფერი

ოქროს ზღაპარია.

     შემოდგომა

ფეხქვეშ გათელა

შემოდგომამ

ხეჭეჭურები,

ამოიარა ეზო-ეზო

სავსე ხელადით,

ამირანივით მოიქნია

ეს ბრგე ჭურები,

მოიქნია და დევებივით 

დაფლა ყელამდი.

ქართული ენა-გვ.35ტექსტიდან წინადადებების გამოყოფა.ერთსიტყვიანი,ორ,სამ,ოთხსიტყვიანი წინადადებების ამოკითხვა,მათი ანალიზი და სინთეზი.

წიგნიდან 2 და 3 სიტყვიანი წინადადებების გადაწერა

მათემატიკა-1,2,3,4,5,6,7,8,.რიცხვთა შედგენილობები.ამ რიცხვებით ტოლობებისა და უტოლობების შედგენა.დახატეთ 8 გეომეტრიული ფიგურა.
მატემატიკა(დეისაძე)გვ.5,6 რამდენიმე  სავარჯიშო  შეასრულონ ზეპირად,ზოგიერთი კი  რვეულებში.

04.11.ქართული ენა-გვ,32-34 ასო-ბგერა "კ" და "ლ"
ტექსტის კითხვა-დამუშავება.სიტყვის,წინადადების ანალიზი და სინთეზი.ამოიკითხონ 1,2,3,4-მარცვლიანი სიტყვები და ჩაწერონ რვეულებში.გადაიწერონ 2,3,4,სიტყვიანი წინადადებები.მოძებნონ კომპიუტერულ პროგრამებში კ და ლ -ასოს გასაცნობი სავარჯიშოები და შეასრულონ დავალებები.
პატარა და დიდი კუ
სასეირნოდ მიდიან,
მერე რა,რომ წვიმაა,
სახლი ზურგზე ჰკიდიათ.


ლომი სავანის მკვიდრია,
ის ნადირია ძლიერი,
კისერს უმშვენებს ფაფარი
 სახეს-მეფური იერი
        კუდი აქვს, როგორც მათრახი,
        მზეს თვალს არ დაუხამხამებს,
       მისი ღრიალი საშიში
       ყოველგვარ სულდგმულს აქვავებს

გამოცანა:დახტის ალთა-ბალთა
                მუცელზე აქვს ჩანთა    (კენგურუ)


 ერთი რამე უმსგავსო,
რქებზე თვალებს კუსავსო
გზაზე ვერცხლის კვალს ტოვებს,
სახლის თრევით კუს გავსო   (ლოკოკინა)

ენის გასატეხი:

კუტკალია სკუპი-სკუპა
კვლავ გაჰკივის კარდაკარა;
-კალიების მკალავი ვარ,
საკორკოტე ქვაბს-კასრს ვკალავ

ლომმა დაღლილი თვალი მილულა
სველ ლელიანში სულს ლევს გმირულად


ანდაზები:კარგი ცხენი მათრახს არ დაიკრავსო
კაცს სწავლა სიბერემდე არ მოსჭარბდებაო
ლხინში ნაბიჯით წადი ,ჭირში სირბილითაო
ლომი ფრჩხილებით იცნობაო

მათემატიკა-გვ 58-60 რიცხვები 1,2,3,4,5,6,7..
6-ის,7-ის შედგენილობა.  პირდაპირ და უკუთვლა.გამოსახულებების \შედგენა და ჩაწერა.
დახაზეთ ექვსკუთხედი. დახატეთ 6 წრე , 7 ვარსკვლავი და გააფერადეთ.დახატეთ ცისარტყელა.
 დამატებითი სახელმძღვანელოდან ( მათემატიკა-დეისაძე)  გვ.3-4 შეასრულონ დავალება
 #1-8  ზოგიერთი ამოხსნან ზეპირად,ზოგი- წიგნში,რომელსაც შეძლებენ ჩაწერონ დავალების რვეულში.

02.11.მათემატიკა გვ.58,59
რიცხვები 1,2,3,4,5,6,7, 6-ის ,7-ის შედგენილობა.გამოსახულებების შედგენა და ჩაწერა
საოცარი რიცხვი-7.ცისარტყელას 7ფერი(წითელი,ნარინჯისფერი,ყვითელი,მწვანე,ცისფერი,ლურჯი,იისფერი)  ,კვირის დღეები-7,კონტინენტი-7, მუსიკალური 7 ნოტი. გაიხსენონ-"ფიფქია და 7 ჯუჯა"
ძალიან გთხოვთ,ყოველდღიურად ატარონ:ციფრთა მარაო.მოძრავი ანბანი,ჩხირები,შავი,უბრალო ფანქარი! დახატონ ცისარტყელა.
ივარჯიშონ ერთმარცვლიანი,ორმარცვლიანი,სამმარცვლიანი,ოთხმარცვლიანი სიტყვების შედგენასა და აწყობაში.აგრეთვე უნდა შეძლონ ნებისმიერი სიტყვის დაშლა და ბგერების სიტყვად გაერთიანება.


28.10.ქართული ენა გვ.29-31 ასო-ბგერა "თ" და "შ" ტექსტის კითხვა-დამუშავება.წინადადების.სიტყვის ანალიზი და სინთეზი.ერთმარცვლიანი,ორმარცვლიანი,სამმარცვლიანი,ოთხმარცვლიანი სიტყვების შედგენა.წერითი დავალება-თ და შ-ს წერა,სიტყვებისა და წინადადებების წიგნიდან გადაწერა.
თუთა
ლამის სახლში შემოიჭრას თუთა,
ლამის თავზე გადამისვას ხელი
დამიძახებს,თვალს ჩამიკრავს მუდამ
ხე მაღალი,ხე ზურმუხტისფერი
     რა ჩურჩული ესმათ ჩემთა ყურთა
    რა ჩურჩული!...დამდაგველი,მწველი
   ლამის სახლში შემივიდეს თუთა
   ლამის წელზე შემომხვიოს ხელი...

ენის გასატეხი: შარიშური,შარიშური
ვინ წაუსვა შავ შაშვს მური
ბუნების ამ მშვენიერ შვილს
სიშავე აქვს შესაშური


თრიალეთის მთათა კალთებს
თავზე მთვარე დაჰქათქათებს,
თეთრ თელასთან ფთილაა თუ
თეოს თეთრი თრითინა თვლემს.
ანდაზები:
თაგვმა თხარა,თხარაო,კატა გამოთხარაო
თავის ქება კიტრადა ღირს
შორი გზა მოიარე და შინ მშვიდობით მიდიო
შრომაში-ზარმაცი,ჭამაში-მამაცი

როდის ჩნდება,იცით ნამი?
მხოლოდ ღამით,შუაღამით,
გაახარებს ვარდს და სოსანს,
მერე ელის მზის ამოსვლას
მზეს შეხედავს ერთი წამით
და მაშინვე ქრება ნამი.

მათემატიკა-გვ.50-53 მრავალკუთხედების(სამკუთხედი,ოთხკუთხედი,ხუთკუთხედი,ექვსკუთხედი...)აღწერა,ამოცნობა,დასახელება.რიცხვთა შედგენილობები
ყოველდღიურად საშინაო დავალების რვეულებში ჩაწერონ ტოლობები და უტოლობები,ჩახაზონ,გააფერადონ ან გამოჭრან და ჩააწებონ გეომეტრიული ფიგურები.
კომპიუტერები ატარონ ყოველ ორშაბათს და ხუთშაბათს.

23.10 ქართული ენა ასო-ბგერა "ზ" და "ო" -გვ.26-28 ტექსტის კითხვა-დამუშავება.მორავი ანბანით სიტყვების,ფრაზების აწყობა. სიტყვის ანალიზი და სინთეზი.
წერა-ზ და ო -ასოები,სიტყვები და წინადადება გადაიწერონ წიგნიდან.
ზარი ზანზარებს უზარმაზარი,
ზარმაც ზაზუნას დასცა თავზარი.

ოქროსფრად მორთულ
ოქტომბრის ბოლოს
ო, როგორ უხმობს ოლოლი ოლოლს!
გამოცანა-გარეგნობით ცხენსა ვგავარ,
                 ზოლები მაქვს ტანზე ჭრელი,
                მუდამ ვხდებით ზოოპარკში
               ნებიერი,კისერგრძელი  |ზებრა|
საბრძოლველად შემართული'
ბადეში ზის ბედაური  |ობობა|

ანდაზები:
ზიგი ჭირი მავნებელიაო
ზარმაცისთვის ყოველდღე უქმეაო
ზღვა კოვზით დაილიაო
ოქრო პატარაა,მაგრამ დიდი ფასი აქვსო!
მათემატიკა-ხუთკუთხედი.რივხვები 1,2,3,4,5.მატემატიკური ნიშნების">","<' "=" გამოყენება.ტოლობებისა და უტოლობების ჩაწერა.5-ის,4-ის,3-ის 2-ის შედგენილობა.რიცხვების გადიდება-შემცირება.რიცხვების პირდაპირ და უკუთვლა.დახაზონ მრავალკუთხედი.ყოველდღე  შეადგინონ და ჩაწერონ ტოლობები და უტოლობები.

21.10. ქართული ენა ასო-ბგერა "ვ" და  "ნ" გვ.23-25 ტექსტის კითხვა-დამუშავება
სიტყვებში მარცვლების პოვნა.ერთმარცვლიანი,ორმარცვლიანი,სამმარცვლიანი სიტყვების ამოკითხვა.მოძრავი ანბანით სიტყვების,ფრაზების აწყობა. ვ  და  ნ-ს წერა
ვანის ველზე ვენახი გვაქვს,
ვბარავთ,ვმორჩნით
ვწამლავთ,ვყელავთ
ვერვინ გვჯობნის სწავლაში და
ვაზის მოვლაც ვიცით ყველამ.

ნამნამკური ნანას ყანა
ტანს იმშვენებს თანდათანა
ნიავს ნაზად მინდობილი
ისმენს ნარნარ იავნანას.

       ვაზი
მიგრეხილო-მოგრეხილო,
ზედ მიკრულო მაგრა ხეო,
ცოცხალი ვარ,შენ მაცხოვრე,
მოვკდები,შენ დამმარხეო.

გამოცანა
ისე მიყვარს ყვინთაობა,
ხანდახან თუ დავისვენებ,
ვახ-ვახ, ვახ-ვახ, წყალში ვცურავ
ისე, რომ ფრთას არ ვისველებ  ( იხვი)

ანდაზები;
ვინც დაიზარაო,არ გაიხარაო
ვარდი უეკლოდ ვის მოუკრეფია
ნუ დასცინი სხვასაო,გადაგხდება თავსაო
ნაჩუქარ ცხენს კბილი არ გაესინჯება
მატემატიკა -რიცხვები 1,2,3,4,5. თვლა პირდაპირ და უკუთვლა.  სამკუთხედი,ოთხკუთხედი. რიცხვი 5-ის შედგენილობა, გამოსახულებების შედგენა, რომლის მნისვნელობაც 5-ია. .ტოლობებისა  და უტოლობების   ჩაწერა , . დასვან 4 წერტილი, შეაერთონ და დახაზონ ოთხკუთხედი. გეომეტრიული ფიგურებით აპლიკაციები შეასრულონ  სახატავ რვეულში.

კომპიუტერში ჩართონ  მატემატიკის პროგრამა და შეასრულონ  დავალებები 1,2,3,4,5.
ხატვის პროგრამაში კი შემდეგი დავალება: დახაზონ 2 წითელი სამკუთხედი და 2 მწვანე ოთხკუთხედი.
სურვილის მიხედვით თაბახის ფურცელზე დახატეთ შესწავლილი ერთ-ერთი ასო-ბგერა ან  ციფრი.მოსწავლეთა საუკეთესო ნამუშევრები გამოიფინება კლასში.

ძვირფასო მშობლებო, გაითვალისწინეთ ფსიქოლოგთა რჩევები!
საშინაო დავალების მომზადება ხშირად ხდება ბავშვის ცრემლებისა და მშობლების ჩხუბის მიზეზი. ასეთი სახალისო გამონათქვამიც კი არსებობს: "ადრე მეგონა, გაკვეთილების მომზადება ნამდვილი ტანჯვა იყო. როგორ ვცდებოდი. მაგაზე უარესი ტანჯვაა მეცადინეობა საკუთარ შვილთან ერთად". 
ფსიქოლოგებმა დაასკვნეს, როგორ უნდა ავირიდოთ თავიდან ეს უსიამოვნებები.

• სკოლიდან შინ დაბრუნებული ბავშვი სხვადასხვა ინფორმაციით არის გადატვირთული. მაშინვე ნუ მიაყრით შეკითხვებს სკოლაზე, საკონტროლო წერებსა და ტესტებზე. ორი საათი მიეცით, რომ დაისვენოთ, განიტვირთოს, ისადილოს, ითამაშოს.
• ფსიქოლოგები ამტკიცებენ, რომ სახლში მეცადინეობისთვის საუკეთესო დრო 15-დან 17-18 საათამდეა. ისე მოახდინეთ ორგანიზება, რომ საშინაო დავალებების მომზადება ერთგვარი რიტუალი იყოს, რომელიც ერთსა და იმავე დროს სრულდება. თუ უკვე გვიანია და რაღაც დასამთავრებელი დარჩა, ჯობს დილისთვის გადადოთ, ვიდრე ღამე აკეთებინოთ.
• მეცადინეობის ხანგრძლივობა სხვადასხვა შეიძლება იყოს, ყველა ბავშვი თავის რიტმში მუშაობს. თუმცა 7-12 წლის ბავშვებისთვის რეკომენდებულია უწყვეტი მეცადინეობა ნახევარი საათი. ამის შემდეგ 5-10 წუთი უნდა შეისვენოს, ზურგი მოადუნოს, წყალი დალიოს, ხილით გაისველოს პირი. ნახევარი საათის შემდეგ, თუ არ შეისვენა, ბავშვს უჭირს სრულად კონცენტრირება.
• როდესაც ბავშვი გაკვეთილებს ამზადებს, სასურველია, ჰორიზონტზე მაინც იყოს უფროსი, განსაკუთრებით პირველ პერიოდში, რადგან ბავშვებს უჭირთ დამოუკიდებლად თავიანთი სამუშაოს ორგანიზება. პირველ წელს მაინც მშობელი აქტიურად უნდა ჩაერთოს – კი არ დაუწეროს დავალება თუ გადაუწეროს, მიაჩვიოს მეცადინეობას, დროის განაწილებას, წიგნებთან და რვეულებთან მუშაობას, მაგიდასთან ჯდომას. დამხმარე ბავშვს იმისთვისაც სჭირდება, რომ ვიღაცამ მხარი დაუჭიროს, საჭირო მომენტში შეაქოს და თავდაჯერება შემატოს.
• მარტივ დავალებებში, რომელსაც თავადაც ართმევს თავს, საერთოდ არ უნდა ჩაერიოთ. ხოლო რაც შედარებით რთულია, უნდა დაეხმაროთ სწორი გადაწყვეტილების მიღებაში, გზის გაკვალვაში, ისე, რომ საბოლოოდ მაინც თვითონ მიხვდეს სწორ პასუხს და არა პირდაპირ უკარნახოთ.
• თუ არ გაქვთ საშუალება, რომ ყოველთვის გვერდით იყოთ საშინაო დავალებების მომზადები დროს, მასთან ერთად შეათანხმეთ, როგორ უნდა დაგეგმოს ეს პროცესი, გადაანაწილეთ დავალებები. მაგალითად, ბავშვმა დამოუკიდებლად გააკეთოს ზეპირი დავალებები და მსუბუქი სავარჯიშოები, ხოლო შედარებით რთულ დავალებებზე თქვენ დაგელოდოთ.
• როდესაც მის გვერდით ხართ, მიახვედრეთ, რომ სხვა საქმეებიც გაქვთ და ყოველთვის ასე მის განკარგულებაში ვერ იქნებით. შესთავაზეთ, ერთად დაიწყოთ მუშაობა, მერე კი თქვენს საქმეს მიხედეთ, ოღონდ ნებისმიერ მომენტში მზად იყავით დასახმარებლად. ცოტ-ცოტა დამოუკიდებლობას მიაჩვიეთ, თორემ 11 წლისასაც გაუჭირდება დამოუკიდებლად მეცადინეობა.
• ხანდახან თამაშიც შეგიძლიათ გაურიოთ დავალებების შესრულების დროს, მოიშველიოთ დამატებითი წიგნები ან ინტერნეტი, რომ ბავშვს უფრო თვალსაჩინოდ და მისთვის გასაგებად აუხსნათ თუ დაანახოთ რაიმე დეტალი.
• მაქსიმალურად მოიკრიბეთ ნერვები და როდესაც გვერდით უზიხართ, მის მდგომარეობაში წარმოიდგინეთ თავი. ის ჯერ ახლა აღებს ცოდნის კარს და მისთვის ბევრი რამ არის ახალი. არა მხოლოდ ინფორმაცია, არამედ ათვისების თუ რაღაც ახლის გაგების გზები და მეთოდებიც. თუ ნერვები არ გყოფნით, ჯობს მალევე მიაჩვიოთ დამოუკიდებლობას, წინააღმდეგ შემთხვევაში, ჩხუბით და გამუდმებული კრიტიკით უფრო დათრგუნავთ ბავშვს და შეიძლება, ისეთი კომპლექსებიც გაუჩინოთ, რაც შემდეგ სამუდამოდ დარჩება.
• ისიც გაითვალისწინეთ, რომ ყველა ბავშვი ინდივიდუალურია, ათვისების უნარი და საშუალებებიც ყველას სხვადასხვა აქვს და ნუ გადაირევით, თუ რომელიმე მშობელი გეუბნებათ, რომ მისი შვილი ყველაფერს მარტივად ითვისებს. ჯერ ერთი, ნუ იქნებით დარწმუნებული, რომ ის აუცილებლად მართალს ამბობს – ბევრ მშობელს უყვარს ტრაბახი შვილის წარმატებებით; მეორეც – ზოგი ადვილად ითვისებს, მაგრამ მალე ავიწყდება. სხვა კი მეტ ძალისხმევას ანდომებს ათვისებას, მაგრამ უფრო საიმედოდ სწავლობს.
• გისურვებთ წარმატებებს!!!

დავალებები

15.10-ასო-ბგერა:"რ" დ "ჩ" გვ. 20-23

ტექსტის კითხვა დამუშავება.მოძრავი ანბანით მარცვლების,სიტყვების,ფრაზების აწყობა.ნახატების მიხედვით ამბის შედგენა და თხრობა,სურათის აღწერა

რაშს მათრახი გადავკარი,   

ნაპერწკლები გადმოყარა,

წინ გავარდა,როგორც ქარი,

მაქრიალა შარა-შარა

ჩუმად გამცალა  ყვინჩილამ

ჩარდახში არა დამრჩა რა...

ჩირი.ჩურჩხელა,ჩამიჩი

ჩანთით  შინ წაანჩალა

ანდაზები:რაც არ გერგება არ შეგერგება      

               რასაც დასთეს ,იმას მოიმკი

            ჩვეულება რჯულზე უმტკიცესია

         ჩიტი სადაც გაიზრდება,   მისი ბაღდადიც იქ არისო

ენის გასატეხი:ჩიტმა რკო ჭამა,რკო ყლაპა,რკო მუხაზე გაიტანა

                     გაარჩია და შეჭამა

გამოცანა:პაწაწინა მწერია,შალეულის მტერია   |ჩრჩილი|

გაიხსენონ:ი.გოგებაშვილის "ორი ირემი",მ.ფოცხიშვილი"მეგობარი"

მატემატიკა; რიცხვები:1,2,3,4,  "+","-"<',",>,"=" ნიშნები გამოსახულების შედგენა,ჩაწერა. გვ,37,38,39.

საშინაო დავალება:ტექსტის კითხვა გვ.23 მოზრავი ანბანით ფრაზების აწყობა
სიტყვების რადიო,რაკეტა,რაში,რებუსი,რეისი,რკინა,რაკლამა,რკო,რეჰანი....
ჩაიდანი,ჩალა,ჩარჩო,ჩაქუჩი,ჩიტი,ჩოხა,ჩოჩორი,ჩოხა,ჩუქურთმა,ჩხა,ჩხირი...დამარცვლა და ბგერებად დაშლა- შეერთება.

18.10.-მათემატიკა-შეადგინეთ და ჩაწერეთ გამოსახულებები რომელთა მნიშვნელობა 4-ია,გაიხსენეთ რიცხვების 1,2,3,4-ის შედგენილობა.ფერადი ქაღალდით გამოჭერით სამკუთხედი და ჩააკარით რვეულში. ვინც შეძლებს სახატავ ფურცელზე გეომეტრიული ფიგურებით გააკეთოს სახლის,ცხოველის...აპლიკაცია.
სურვილის მიხედვით თაბახის ფურცელზე დახატეთ შესწავლილი ერთ-ერთი ასო-ბგერა და ციფრი.მოსწავლეთა საუკეთესო ნამუშევრები გამოიფინება კლასში.

     

გაკვეთილების ცხრილი

ორშაბათი

1.ქართული ენა

2.მათემატიკა

3.სპორტი

4.ბუნება

სამშაბათი

1.ქართული ენა 

2.ქართული ენა

3.მათემატიკა

4.ხელოვნება

5.ინგლისური ენა

ოთხშაბათი

1.მათემატიკა

2.ქართული ენა

3.ბუნება

4.მუსიკა

ხუთშაბათი

1.ქართული ენა

2.ქართული ენა

3.მათემატიკა

4.სპორტი

5.პატარა მკითხველთა კლუბი

პარასკევი

1.ქართული ენა

2.მათემატიკა

3.ხელოვნება

4.მუსიკა
5.ინგლისური ენა

 ძვირფასო პირველკლასელთა მშობლებო!
სექტემბრიდან თქვენი პატარები უნდა გამოცხადდნენ სასკოლო ფორმით.მისი შეძენა ან მოდელის ნახვა შეგიძლიათ მისამართზე:აღმაშენებლის ქ.#35

პატივისცემით:რუსუდან მასწავლებელი

ოჯახური აღზრდის სხვადასხვა სტილი მშობლებო,თქვენ რომელ სტილს მიმართავთ შვილებთან ურთიერთობისას?

ლიბერალური-მშობლები არიან ''რბილები'' და ზედმეტად დამთმობები,ბავშვს ყველა სურვილს უსრულებენ და ამას სითბოსა და მზრუნველობის გამოხატულებად მიიჩნევენ.ოჯახში არ არსებობს ნორმები და წესები,რომლებსაც ემორჩილებიან ოჯახის წევრები:ბავშვები არიან ''მეამბოხეები'' არ ითვალისწინებენ სხვის აზრს და უჭირთ გარემოსთან ადაპტაცია.
ინდიფერენტული-მშობლები ზრუნავენ შვილების მხოლოდ ელემენტარული მოთხოვნილებების (კვება და ჩაცმა) დაკმაყოფილებაზე,იჩენენ სრულ ჩაურევლობას მათ ცხოვრებაში,ბავშვები გამოხატავენ უნდობლობას და მუდმივ შფოთვას სამყაროს მიმართ;გამოირჩევიან აგრესიულობით.
ავტორიტარული-მშობლები დირექტიული მიდგომებით ურთიერთობენ ბავშვებთან ''ამის გაკეთება არ შეიძლება'' დაუმორჩილებლობის შემთხვევაში,ყოველგვარი ახსნის გარეშე,უწესებენ სასჯელს.ბავშვი ითრგუნება,ექმნება არაადეკვატური შეხედულება საკუთარ თავზე,დაბალია მისი თვითშეფასება.
ავტორიტეტული-მშობლები ექცევიან შვილებს როგორც თანასწორს,ახორციელებენ თანმიმდევრულ,ობიექტურ და სამართლიან კონტროლს ქცევაზე:ენდობიან და გვერდში უდგანან მათ სოციალური გამოცდილებისა და ცოდნის შეძენის პროცესში.ოჯახში არსებობს წესები,რომლებსაც ემორჩილება ოჯახის ყველა წევრი.

წაუკითხეთ პატარებს!
http://kartuli-zgaprebi.narod.ru/nadirta_zmoba.htm
http://kids.ge/compose-words?id=37

ჩემს პატარა მეგობერებს!

2014 წლის 15 სექტემბრი  იქნება თქვენი ცხოვრების მნიშვნელოვანი და ბედნიერი დღე,იმიტომ რომ,იმ დღეს გახდები მოსწავლე და თან შეიძენ ძალიან ბევრ მეგობარს,შენი ჯგუფელებისა და მასწავლებლების სახით.

კეთილი იყოს თქვენი მობრძანება მე-9 საჯარო სკოლაში!გისურვებ,გახდეთ საქართველოს ღირსეული შვილები!

გფარავდეთ ღმერთი!

დიდი სიყვარულით,

შენი პირველი მასწავლებელი

რუსუდან კვირკველია

20.05.2014